-
-
-
-
काठमाडौँ । १९ वर्षमुनि एसीसी एसिया कप क्रिकेट प्रतियोगिताका लागि नेपाली टोली घोषणा भएको छ । मङ्सिर २८ सम्म श्रीलंकामा हुने प्रतियोगिताका लागि नेपाली राष्ट्रिय क्रिकेट टोलीबाट खेलिसकेका लेग स्पिनर सन्दीप लामिछानेको कप्तानीमा १९ सदस्यीय टोली छनोट भएको हो । जसमा चार खेलाडी वैकल्पिक छन् ।
सन्दीप अहिले अष्ट्रेलियाका पूर्व कप्तान माइकल क्लार्कको क्लबबाट क्रिकेट खेलिरहेका छन् । सन्दीपको प्रदर्शन र उमेर भएकाले पनि केही लामो अवधि यु–१९ सम्हाल्न कप्तानी सुम्पिएको बताइएको छ ।
अन्तर्राष्ट्रिय क्रिकेट परिषद्को एसिया क्षेत्र अधिकृत वेंकटपथी राजु, मुख्य प्रशिक्षक जगत टमाटा र १९ वर्षमुनिको टोलीका प्रशिक्षक विनोद दासको छनोट समितिले टोली घोषणा गरेको हो । एसीसी १९ वर्ष मुनिको एसिया कप क्रिकेट डिसेम्बर १३ देखि २४ सम्म श्रीलंकामा हुने भएको छ ।
को–को परे टोलीमा ?
१. सन्दिप लामिछाने (कप्तान)
२. मोहम्मद आसिफ शेख
३. रविन्द्र जंग शाही
४. आदिल खान
५. भीम सार्की
६. अनिल कुमार साह
७. दिपेन्द्र सिंह ऐर
८.पवन सर्राफ
९. सुवर्णाकार उराव
१०. सन्दिप सुनार
११. कमल सिंह ऐरी
१२. नन्दन यादव
१३. प्रकाश केसी
१४. रोहित कुमार पौडेल
१५. अविश कर्ण
वैकल्पिक खेलाडी
१. शाहब आलम
२. किशोर महतो
३. बिक्रम भुसाल
४. सुशान्त थापा
