काठमाडौँ । प्रधानमन्त्री केपी शर्मा ओलीले साउन ६ गते आइतबार विश्वासको मत लिने भएका छन् ।
असार ३० गते प्रधानमन्त्रीमा नियुक्त भएका ओलीले आगामी आइतबारको संसदको बैठकमा विश्वासको मत लिने भएका छन् ।
सो अनुसारको पत्र संसद सचिवालयलाई बुझाउने तयारी गरिएको छ ।
सबैभन्दा ठूला दुई दल नेपाली कांग्रेस र एमाले मिलेर गठबन्धन गरी सत्ता सञ्चालन गरिरहेका हुन् । दुई दलसँगै अन्य साना दलकोसमेत समर्थन रहेकाले यसपालि ओलीले दुई तिहाई मत पाउने विश्वास गरिएको छ ।
नेपालको संविधानको धारा ७६ (२) अनुसार शर्मा ओलीले गत असार ३१ गते प्रधानमन्त्रीको शपथ लिएका थिए ।
संविधानको धारा ७६ (४) बमोजिम उनले विश्वासको मत लिन लागेका हुन् ।
दुई वा दुई भन्दा बढी दलको समर्थनमा नियुक्त प्रधानमन्त्रीले ३० दिनभित्र प्रतिनिधि सभाबाट विश्वासको मत लिनुपर्ने संवैधानिक प्रावधान छ ।
