ललितपुर महानगरले मर्मतपछि सञ्चालनमा ल्यायो १०६ वर्ष पुरानो डेनिस दमकल

हाम्रा कुरा

प्रकाशित २०८१ साउन ६ आइतबार

काठमाडौँ। ललितपुर महानगरपालिकाले १०६ वर्ष पुरानो डेनिस दमकल सञ्चालनमा ल्याइएको छ। महानगर क्षेत्रमा हुनसक्ने आगलागीको सम्भावित जोखिममा परिचालन गर्नका लागि महानगरपालिकाले १०६ वर्ष पुरानो डेनिस दमकल मर्मत गरेर सञ्चालनमा ल्याएको हो।

ललितपुरका मेयर चिरीबाबु महर्जनले विगत ४२ वर्षदेखि यसको पार्टस नपाएको कारणले थन्काएर राखेको अवस्था रहेकोमा अहिले अमेरिकाबाट पार्टहरू मगाएर मर्मत गरी सञ्चालनमा ल्याएको जानकारी दिएका छन्।

उनले भने,‘विगत ४२ वर्षदेखि यसको पार्टस नपाएको कारणले दमकल चलेको थिएन। रोक्की राखेको थियो। ७३–७४ सालमा दमकल लिलामीमा राखियो। त्यो सूचना पाउनेसाथ झिक्यौँ। अमेरिकामा यसको पार्टस भेटियो र अहिले सञ्चालनमा ल्याइएको छ।’