काठमाडौँ। प्रतिनिधि सभाको बैठक बसिरहेको छ । बिहान ११ बजेपछि शुरु भएको बैठकमा प्रधानमन्त्री केपी शर्मा ओलीले सांसदहरूले सोधेका प्रश्नहरूको जवाफ दिने कार्यक्रम रहे पनि स्वास्थ्य बिग्रिएपछि सो कार्यक्रम स्थगित भएको छ ।
प्रधानमन्त्रीले प्रतिनिधि सभा नियमावली, २०७९ को परिच्छेद–९ बमोजिम प्रधानमन्त्रीले सांसदहरूका जिज्ञासालाई सम्बोधन गर्नुपर्ने हुन्छ ।
यसका साथै आजको बैठकमा पूर्वाधार विकास समितिका सभापति दिपकबहादुर सिंहले समितिको वार्षिक प्रतिवेदन, २०८१ पेस गर्ने र भूमि व्यवस्था तथा गरिबी निवारणमन्त्री बलराम अधिकारीले ‘भूमिसम्बन्धी केही नेपाल ऐनलाई संशोधन गर्ने विधेयक, २०८२ माथि विचार गरियोस्’ भन्ने प्रस्ताव प्रस्तुत गर्ने सम्भावित कार्यसूची रहेको संघीय संसद सचिवालयले जनाएको छ।
