-
-
-
-
काठमाडाैँ । बागमती प्रदेशसभाका सभामुख भवनकुमार पाठकले पदबाट यसअघि नै दिएकाे राजीनामाकाे पत्र उपसभामुखलाई बुझाएका छन् ।
गत २४ भदौमा सामाजिक सञ्जालबाट राजीनामा घोषणा गरेका पाठकले बुधबार उपसभामुख अप्सरा चापागाईंलाई राजीनामा पत्र बुझाएका हुन ।
उनले यसअघि नै राजीनामा घोषणा गरे पनि कानूनी प्रक्रिया पूरा गर्न अनुकुल नभएको भन्दै बुधबार राजीनामा पत्रमा बुझाएको बताए ।
पत्रमा भनिएको छ, ‘नेपालको संविधान र प्रदेश सभा नियमावली २०७४ बमोजिम बागमती प्रदेश सभाको सभामुख पदबाट राजीनामा गरेको छु ।’
राष्ट्र रोएका बेला नेपाली जनताको चाहना र युवा पुस्ताको भावना विपरीत पदमा बसिरहन अनुचित लागेको उनले उल्लेख गरे ।
राप्रपाबाट निर्वाचित प्रतिनिधि सभा र प्रदेश सभा सदस्यले सामूहिक राजीनामा दिएपछि पाठकले पनि सभामुख पदबाट राजीनामा दिएका हुन् ।
उनी राप्रपाबाट सभामुख बनेका थिए ।
