काठमाडौँ। लक्ष्मी सनराइज बैङ्कको डिजिटल बैङ्किङ प्रवर्द्धन गर्ने वार्षिक अभियानको सातौँ संस्करण #डिजिटलडिसेम्बर २०२५ सुरु भएको छ। यस संस्करण “इम्पावरिङ्ग एन्टरप्राइजेज” को नाराका साथ देशव्यापी रूपमा उद्यम डिजिटलाइजेसनमा केन्द्रित रहनेछ।

डिसेम्बर महिनाभर चल्ने यस अभियानमा बैङ्कको डिजिटल प्लेटफर्महरूलाई देशभरका व्यवसायहरूको कारोबारको लागि प्राथमिक च्यानलको रूपमा स्थापित गर्ने लक्ष्य राखेको छ । अघिल्ला वर्षहरूका उपभोक्ता-केन्द्रित अभियानहरूबाट यस वर्ष उद्यम -केन्द्रित डिजिटल रूपान्तरणतर्फ एक महत्त्वपूर्ण फड्को हो ।

नेपालको व्यापार प्रणालीमा लक्षित 
डिजिटल डिसेम्बर २०२५ ले घरेलु, साना तथा मझौला उद्यम, कर्पोरेट सङ्घ संस्था तथा प्रतिष्ठान, खुद्रा तथा थोक बिक्रेता, आइटी, वित्त, स्वास्थ्य सेवा, शिक्षा, र आतिथ्य लगायतका सबै क्षेत्रका उद्यमहरूलाई समावेश गर्ने लक्ष्य राखेको छ।

यो अभियान उद्यमीहरूलाई डिजिटल बैङ्किङ का माध्यमहरूमा सक्रिय बनाउँदै उच्च-मूल्यको नगद तथा चेक कारोबारलाई डिजिटल च्यानलमा रूपान्तरण गर्ने र एपीआई तथा होस्ट-टू-होस्ट कनेक्टिभिटी मार्फत ग्राहकका प्रणालीबाट सिधै भुक्तानी गर्न मिल्ने समाधानहरूका साथै भुक्तानी प्रक्रियामा सहजीकरण गर्ने विषयमा केन्द्रित रहने छ।

यस अन्तर्गत बैङ्कले निम्नबमोजिमका व्यवसायमैत्री डिजिटल सेवाहरूको प्रवर्द्धन गर्दैछ:

• इ-कमर्श व्यवसायका लागि निर्बाध भिसा र मास्टर कार्ड मार्फत भुक्तानी प्राप्त गर्ने माध्यम
• कर्पोरेट सङ्घसंस्थाका कर्मचारीहरूको लागि अन कार्ड - भर्चुअल क्रेडिट कार्ड र भिसा क्रेडिट कार्ड सुविधा
• व्यवस्थित व्यापारिक कारोबारको लागि कर्पोरेटपे तथा राष्ट्रिय भुक्तानी इन्टरफेस एकीकरण सेवा
• रियल टाइम भुक्तानीका अलर्टहरू सहित व्यापारिक भुक्तानी प्राप्तिको लागि लक्ष्मी वाणी (क्युआर भ्वाइस बक्स)
• यसमा सहभागी हुने उद्यमी तथा व्यवसायीहरूले डिसेम्बर महिना भरी आफ्नो डिजिटल रूपान्तरण यात्रालाई थप लाभदायी बनाउन विशेष अन बोर्डिङ लाभ, छुट्, विशिष्टीकृत तथा अग्राधिकार सेवा  प्राप्त गर्नेछन्।

नेपालको डिजिटल अर्थतन्त्रलाई अगाडि बढाउँदै
बैङ्कका डिजिटल च्यानल र रेमिट्यान्स प्रमुख सुमन प्रसाद गेलालका अनुसार डिजिटल डिसेम्बर २०२५ ले नेपालमा उद्यम भुक्तानी नवप्रवर्तनमा अग्रणी भूमिकामा रहने बैङ्कको प्रतिबद्धतालाई थप बल प्रदान गर्दछ। डिजिटल पूर्वादारलाई कुशलतापूर्वक सञ्चालन गर्न व्यवसायहरूलाई सशक्त बनाउँदै थप पारदर्शी, सुरक्षित र उत्पादनमूलक अर्थतन्त्रमा योगदान पुर्‍याइरहेको उनको विश्वास छ ।

यस पहलले डिजिटल बैङ्किङमा लक्ष्मी सनराइज बैङ्कको नेतृत्वलाई सुदृढ बनाउँदै नेपाललाई डिजिटल मैत्री तथा डिजिटल-सक्षम व्यावसायिक वातावरण निर्माणको वृहत् अभियान लाई समर्थन गर्दछ।