फ्याक्ट्स वर्ष पुस्तकको तेस्रो संस्करणको बिमोचन

प्रकाशित मिति : २०७३ चैत २ बुधबार
काठमाडौं । फ्याक्ट्सले आफ्नो नयाँ संस्करण २०१७ मा अनावरण गरेको छ । सूचनागत दृश्यचित्र (इन्फोग्राफिक्स)को लागि बितेको वर्षमा विभिन्न क्षेत्रहरुबाट तथ्याङ्क संकलन गरिएको फ्याक्टसका मनिष झाले जानकारी दिए । अत्यन्त सरल र जानकारीमूलक ढङ्गबाट प्रस्तुत गरिएको यस प्रकाशनमा कृषि, अर्थतन्त्र, राजनीति लगायतका कुल १९ खण्डहरु समेटिएका छन् । 
 
यस प्रकाशनले बितेको वर्षमा नेपालको प्रमुख क्षेत्रहरूको को क्षेत्रगत अवस्था र साथ–साथै अन्तरराष्ट्रिय मामिलाको विश्लेषणात्मक चित्रण गरेको छ । विगत दुई वर्षदेखि संस्करणमा निरन्तर आईरहेको पुस्तक कर्पोरेट, सामाजिक, देशको विकास र राजनीतिबीच लोकप्रिय रहेको छ । 
 
पुस्तकको मूल्य रु ३०० राखिएको छ र देशको प्रमुख पुस्तक पसलहरुमा यो पुस्तक उपलब्ध हुनुका साथै यसको e-book वि–रिडको मोबाइल एप्लिकेशनबाट डाउनलोड गरेर पनि पढ्न सकिने झाले बताए । 
 
स्वतन्त्र निजी अनुसन्धानमूलक कम्पनीको रुपमा रहेको फ्याक्ट्सले अनुसन्धान र विश्लेषणात्मक परियोजनाहरु सञ्चालन गर्नुको साथै आफ्नो स्थापनाकाल (२०१२) देखि नै सामाजिक सञ्जाल र छापा माध्यम मार्फत् आमजनताका लागि दैनिक, साप्ताहिक र मासिक रूपमा सूचनामूलक तथ्याङ्कीय चित्रहरू प्रस्तुत गर्ने कार्य जारी राखेको छ । 
 
तथ्याङ्कीय पारस्परीक छलफलहरु र सूचनागत दृश्यचित्र (इन्फोग्राफिक्स) लाई बुझ्नको लागि फ्याक्ट्सले अनलाईन समाचार पोर्टल, दैनिक पत्रिका, मासिक पत्रिका र राष्ट्रिय टेलिभिजनहरुसँग साझेदारी गरेर अघि बढीरहेको छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ