आर्थिक वृद्धि उच्च बनाएकोमा महासंघले गर्यो महराको प्रशसां
उद्योग वाणिज्य महासंघ र अर्थमन्त्रीबीच भेटवार्ता
प्रकाशित २०७४ वैशाख ३ आइतबार
189
Shares
काठमाडौँ। बर्षौपछि, मुलुकको आर्थिक बृद्धिदर उच्च बनाएको भन्दै नेपाल उद्योग वाणिज्य महासंघका पदाधिकारीहरुले उपप्रधानमन्त्री तथा अर्थमन्त्री कृष्णबहादुर महराको प्रंशसा गरेका छन् । चालु आवमा मुलुकको आर्थिक वृद्धिदर ६.५ प्रतिशत हुने प्रक्षेपण गरेको छ । सो वृद्धिदर २५ वर्ष यताकै उच्च हो । आव २०५०/५१ पछि उच्च आर्थिक वृद्धिदर हुन लागेको हो । लोडसेडिङ अन्त्य, सरकारले लिएका आर्थिक नीति एवम् आर्थिक परिचालनका कारण आर्थिक वृद्धिदर उच्च हुन लागेको हो ।
आइतबार मन्त्रालयमै पुगेका नवनिर्वाचित पदाधिकारीहरुलाइ उपप्रधानमन्त्री तथा अर्थमन्त्री महराले बधाइ दिएका थिए । महासंघका पदाधिकारीहरुले भने –“बर्षौपछि मुलुकको आर्थिक बृद्धिदर बढाउनुभएको छ । अब लगानी मैत्री वातावरण बनाउनुहोस् । मुलुकले आर्थिक बिकासमा कोल्टे फेर्छ । यस्तो वातावरण बनाउनुभएकोमा हामी खुसी छौ ।”
वर्तमान सरकारको कामबाट निजी क्षेत्र उत्साहित भएको भन्दै उनीहरुले माओवादी नेतृत्वले उठाउँदै आएको आर्थिक क्रान्तिको अवसर आएकाले मुलुकमा लगानीको वातावरण बनाएमा दश बर्षमै मुलुक आर्थिक समृद्धिको बाटोमा पुग्ने वताएका थिए ।
उपप्रधानमन्त्री महराले निजी क्षेत्रलाइ केही बर्षसम्म प्रोत्साहन गरेर नै मुलुकलाइ समाजवादमा लान सकिन्छ भन्नेमा आफु दृढ रहको उल्लेख गर्दै भने–“अब शसस्त्र युद्ध पनि हैन, शित युद्ध पनि हैन, आर्थिक विकास र समृद्धि नै पहिलो आवश्यकता हो । ” उले निजी क्षेत्रलाइ प्रोत्साहननै गरिने भन्दै निजी क्षेत्रलाइ राज्यको सिष्टम भित्र रहेर काम गर्न आग्रह गर्नुभयो ।
उपप्रधानमन्त्री महरासँग उद्योग बाणिज्य महासंघका अध्यक्ष भवानी राणा, पुर्व अध्यक्ष पशुपती मुरारका, चण्डीराज ढकाल, बरिष्ठ उपाध्यक्ष शेखर गोल्छा, उपाध्यक्षहरु चन्द्र ढकाल, उमेशलाल श्रेष्ठ र कोषाध्यक्ष ज्ञानेन्द्रलाल प्रधान सहितको टोलीले भेट गरेको थियो ।
