-
-
-
-
काठमाडौं । विश्वकप छनोट फुटबलमा स्पेन र इटली बिजयी भएका छन् । युरोपेली समूहको खेलमा स्पेनले मेसेडोनियालाई २–१ ले हरायो । स्पेनलाई जिताउन डेभिड सिल्भा र डिएगो कोस्टाले १–१ गोल गरे ।
स्पेन रहेको समूह जी को खेलमा इटलीले लिच्टेन्स्टेनलाई ५–० ले हरायो । इन्सिग्ने, बेलोटी, इडर, बर्नारदेची र गब्बीनिदिले १–१ गोल गरे ।
अल्बानियाले इजरायललाई ३–० हरायो । छैटौं चरणको समाप्तिसम्म स्पेन र इटलीको समान १६–१६ अंक छ ।
समूह डी बाट आइतबारका तीन वटै खेल बराबरीमा सकिएका छन् । आयरल्याण्ड र अष्ट्रिया तथा सर्विया र वेल्सले समान १–१ को बराबरी खेल्दा मोल्डोभा र जर्जियाले २–२ को बराबरी खेले ।
समूह आइ को खेलमा युक्रेनले फिनल्याण्डलाई २–१ ले, टर्कीले कोसोभोलाई ४–१ ले तथा आइसल्याण्डले क्रोएसियालाई १–० ले हरायो ।
