कन्फेडेरेशन कप फुटबलः चिलीको विजयी सुरुवात, पोर्चुगल बराबरीमै थन्कियो
प्रकाशित २०७४ असार ५ सोमबार
139
Shares
रुस । रुसमा चलिरहेको फिफा कन्फेडेरेशन कप फुटबलमा चिलीले विजयी सुरुआत गरेको छ ।
समूह बी रहेको चिलीले आइतबार राति भएको खेलमा क्यामरुनलाई २–० ले हराएर सुरुआत गरेको हो ।
चिलीलाई जिताउन अर्टुरो भिडालले ८२ औं र एडुआर्डो भर्गासले इन्जुरी समयको दोस्रो मिनेटमा गोल गरे । जितपछि तीन अंकसहित चिली समूहको शीर्ष स्थानमा छ ।
यता समूह ए को खेलमा पोर्चुगलले भने मेक्सिकोसंग २–२ गोलको बराबरी खेलेको छ । क्रिष्टियानो रोनाल्डोको टिमले दुवै पटक अग्रता लिएर पनि बराबरीमै थन्किनु परेको हो ।
३५ औं मिनेटमा रिकार्डो करिस्माले गोल गर्दै पोर्चुगललाई अग्रता दिलाए । ४२ औं मिनेटमा हेभियर हर्नान्डेजले मेक्सिकोलाई बराबरीमा ल्याए ।
८६ औं मिनेटमा सेड्रिकले गोल गर्दै पोर्चुगललाई अग्रता दिलाए । तर इन्जुरी समयमा गोल गर्दै हेक्टर मोरेनोले बराबरी गरे ।
