-
-
-
-
रुस । रुसमा भइरहेको कन्फेडेरेशन कप फुटबल प्रतियोगितामा विश्वकप विजेता जर्मनी बराबरीमै रोकिएको छ । जर्मनीले चिलीसंग १–१ गोलको बराबरी खेलेको हो ।
खेलको छैटौं मिनेटमा चिलीका अलेक्सीस सान्चेजले गोल गर्दै अग्रता दिलाए । तर ४१ औं मिनेटमा जर्मनीका लार्स स्टिण्डलले गोल फर्काउँदै बराबरी गरे ।
खेल बराबरीमा सकिए पनि सान्चेजले भने चिलीको लागि कीर्तिमान बनाएका छन् । चिलीका लागि सर्वाधिक गोल गर्ने खेलाडी बनेका सान्चेजले ३८ गोल गरेका छन् ।
क्यामरुन र अस्ट्रेलियाले पनि १–१ गोलको बराबरी खेलेका छन् ।
यी खेलपछि चिली र जर्मनीको ४–४ अंक भएको छ भने क्यामरुन र अष्ट्रेलियाको १–१ अंक छ । अन्तिम चरणको खेलबाटै सेमिफाइनल पुग्ने टिमको टुंगो लाग्नेछ ।
