-
-
-
-
रुस । रुसमा भइरहेको कन्फेडेरशन कप फुटबलमा पोर्चुगल र मेक्सिको सेमिफाइनलमा पुगेका छन् ।
समूह चरणको अन्तिम खेलमा न्युजिल्याण्डलाई ४–० ले पराजित गर्दै पोर्चुगल सेमिफाइनलमा पुगेको हो ।
पोर्चुगललाई विजयी गराउन क्रिश्चियानो रोनाल्डो, बर्नान्डो सिल्भा, आन्द्रे सिल्भा र नानीले १–१ गोल गरे ।
त्यस्तै मेक्सिकोले आयोजक रुसलाई २–१ ले हरायो । मेक्सिकोलाई विजयी गराउन नेस्टर एराउजो र हिर्भिङ नोजानोले १–१ गोल गरे ।
रुसले खेलको २५ मिनेटमै एलेक्सान्दर सामेदोभको गोलबाट अग्रता लिए पनि जित हासिल गर्न सकेन ।
६८ औं मिनेटमा रुसका युरी जिर्कोभले दोहोरो पहेंलो कार्ड खाइ मैदानबाट बाहिरिएका थिए ।
समान ७–७ अंकका साथ पोर्चुगल समूह विजेता तथा मेक्सिको समूह उपविजेता बन्दै सेमिफाइनलमा पुगेको हो ।
