भारतको जीएसटी प्रणालीले के-के सामान हुने भयो महंगो ? (सूची सहित)

सुदर्शन अर्याल,

प्रकाशित २०७४ असार १७ शनिबार

काठमाडौं । भारतमा शुक्रबार आधिरातदेखि सुरु भएको बस्तु तथा सेवामा समान कर सिस्टमले नेपालमा पनि महंगी बढाउने भएको छ । समान दरमा कर लगाउँदा करमा सहुलियत पाएका दैनिक उपभोग्य बस्तुहरुसँगै अधिकांश विलासी बस्तुहरुमा समेत महंगी बढ्ने भारतीय सञ्चारमाध्यमहरुले बताएका छन् । अब नेपालमा आयात गरिँदै आएका विभिन्न बस्तुहरुमा नेपालीले दोहोरो कर तिर्नुपर्ने अवस्था रहेको छ ।

अब हामीले यसअघि तिर्दै आएको शुल्कमा केही बस्तु तथा सेवामा थप शुल्क लाग्ने भएको छ । भारतको जीटीएस परिषद्ले १२ सय ११ बस्तु तथा सेवाको जीटीएस दर तय गरेको छ । जसले भारत तथा नेपालका मध्यम र उच्च वर्गाीय व्यक्तिहरुलाई समेत प्रत्यक्ष असर पारेको छ । यो प्रणालीमा १८ प्रतिशत सरदरको दर कायम गरिएको छ । जुलाई एकदेखि लागू भएको प्रणालीले केके बस्तुलाई महगो गराउँदैछ ? सूचीसहित हेर्नुहोस् ।

भारतमा जुलाइ एक देखि भाउ बढ्ने बस्तुहरु

- पनीर
- कन्फ्लेक्स
- कफी
- मसाला पाउडर
- दही
- घिउ
- बिस्कुट
- चुइङ्गम
- आइसक्रिम
- चिया
- चकलेट
- मसला
- एकहजार भन्दा बढी मुल्यको कपडा
- स्याम्पू
- परफ्यूम
- एयर(कण्डिशनर
- फ्रिज
- वशिङ्ग मशीन
- टेलिभिजन
- ३५०सीसी भन्दा माथिका मोटरसार्इकल
- एसयूवी
- स्मार्ट फोन
- ल्यापटप
- डेस्कटप
- योगा म्याट
- फिटनेस उपकरण
- कोल्ड ड्रिंक्स
- चुरोट
- तमाखु
- रक्सी
- अन्य विलासी सामानहरु
- आयुर्वेदिक तथा अन्य वैकल्पिक औषाधि
- सुन
- सानो तथा मध्यम आकारको कार