वेम्बले । इंगलिस एफ ए कम्युनिटी सिल्ड फुटबल प्रतियोगिताको उपाधि आर्सनलले जितेको छ । प्रिमियर लिग च्याम्पियन चेल्सीलाई टाइबे्रकरमा ४–१ ले पराजित गर्दै आर्सनलले उपाधि जितेको हो । वेम्बलेको मैदानमा आइतबार राति भएको खेलमा निर्धारित ९० मिनेटको खेल १–१ को बराबरीमा सकिएपछि टाइब्रेकरमा निर्णायक बनेको हो ।
चेल्सीले ४६ औं मिनेटमा भिक्टर मोसेसको गोलबाट अग्रता लिए पनि त्यसलाई बचाइराख्न नसकेपछि पराजय भोग्न वाध्य भएको हो ।
८०औं मिनेटमा पेड्रो रोड्रिग्वेजले रातो कार्ड खाएपछि चेल्सी १० खेलाडीमा सिमित भयो । आर्सनलका मोहमद एल्नेनीलाई लडाएपछि पेड्रोले रातो कार्ड पाएका थिए ।
त्यसको २ मिनेट पछि नै आर्सनलले बराबरी गोल फर्कायो । सिड कोलासिनाचले हेडमार्फत गोल गर्दै आर्सनललाई खेलमा फर्काएका थिए ।
त्यसपछि दुवै टोलीबाट गोल नहुदा खेल १ – १ गोलको बराबरीमा सकियो र खेलको निर्णय पेनाल्टी सुटआउटसम्म धकेलिएको थियो ।
पेनाल्टीमा चेल्सीका ग्यारी केहिलले मात्र गोल गर्न सके ।
