कविता उपाध्याय,रोल्पा। जिल्लाका विभिन्न १३ गाविसका एक हजार आठ सय सतरी जना निरक्षरहरु व्यवसायिक साक्षर भएका छन् । युएसएडको आर्थिक सहयोगमा डिप्रोक्स नेपालले एक हजार आठ सय सतरी जनालाई व्यवसायीक साक्षर वनाएको हो । जिल्लाका १३ वटा गाविसका एक हजार आठ सय सत्तरी जना निरक्षरलाई व्यवसायीक साक्षर वनाएको व्यवसायिक साक्षरता कार्यक्रम जिल्ला प्रवन्धक अशोक लम्साल ले जानकारी दिनुभयो ।
लम्सालका अनुसार किसान परियोजना भित्र रहेका निरक्षरलाई मात्र साक्षर बनाइएको हो । यसरी साक्षर हुनेमा महिलाको संख्या १ हजार ७ सय १७ र पुरुस को संख्या १ सय ४९ जना रहेको छ । एक वर्षसम्म सञ्चालन गरिएको व्यवसायीक साक्षरताका पाठ्यक्रममा भाग एकमा साक्षरता र हिसाव, भाग दुईमा पोषण शिक्षा, भाग तीनमा जीवन उपयोगी सिप, भाग चारमा उद्यमशिलता सिप र भाग पाँचमा वित्तमा पहुँच आदिका विषयमा सिकाइएको थियो ।
त्यसैगरी झाडापखाला तथा साईन फ्लु जस्ता महामारीको वेला र विगत द्धन्दको समयमा पनि डिप्रोक्स नेपालले रोल्पा जिल्लामा काम गर्दै आएको डिप्रोक्स नेपालका निर्देशक कैलाश रिजालले बताउनु भयो । रिजालका अनुसार विगत द्धन्दको समयमा पनि विभिन्न जिल्लामा सिंचाई, खानेपानी, पौढ शिक्षा,र कबुलियती बन कार्यक्रम लगाएतका विविध कार्यक्रम सञ्चालन गरिएको थियो । २२ वर्ष पहिला काठमाण्डौंमा दर्ता भएको डिप्रोक्स नेपालले हाल सम्म ५६ जिल्लामा काम गरिसकेको र उक्त व्यवसायीक साक्षरता कार्यक्रम २० वटा जिल्लामा सञ्चालन भईरहेको निर्देशक रिजालले बताउनु भयो ।
