-
-
-
-
काठमाडौं । विश्वकप छनोट फुटबलमा विश्वकप विजेता जर्मनीको विजयी यात्रा कायमै रहेको छ । जर्मनीले युरोपेली क्षेत्रको समुह सी को आठौं खेलमा नर्वेमाथि ६–० को जित दर्ता गरेको हो ।
सतप्रतिशत नतिजा ल्याउने क्रममा जर्मनीलाई जिताउन टिमो वेर्नरले २ तथा मेसुट अजिल, हुँवा ड्राक्सलर, लिओ गोरज्का र मारियो गोमेजले १ गोल गरे ।
यो समूहको अर्को खेलमा अजरबैजानले सान मारिनोलाई ५–१ ले तथा नर्दन आयरल्याण्डले चेक रिपब्लिकलाई २–० ले हरायो ।
जर्मनी २४ अंकबाट शिर्ष स्थानमा रहँदै विश्वकप छनोट नजिक पुगेको छ । नर्दन आयरल्याण्ड १९ अंकबाट दोस्रो स्थानमा रहँदै प्लेअफ खेल्ने पक्का भएको छ ।
अजरबैजान, चेक रिपब्लिक, नर्वे र सान मारिनो विश्वकप छनोट होडबाट बाहिरिइसकेका छन् ।
