विश्वकप छनोट फुटबलः एसियाबाट दक्षिण कोरिया र साउदी अरबिया पनि छानिए

प्रकाशित २०७४ भदौ २१ बुधबार

काठमाडौं । सन् २०१८ को रुस विश्वकप फुटबलका लागि एसियाबाट जापान, इरानसंगै दक्षिण कोरिया र साउदी अरबिया छानिन सफल भएका छन् ।
इरान र जापान पहिले नै छानिएका थिए भने दक्षिण कोरियाले एएफसी समुह ए बाट अन्तिम खेलमा उज्वेकिस्तानसंग गोलरहीत बराबरी खेल्दै छानिएको हो ।
यो समुहबाट इरान पहिले नै छानिएको हो ।
सिरियाले उज्वेकिस्तानलाई गोल अन्तरमा उछिन्दै प्लेअफ खेल्न पाउने भएको छ । उज्वेकिस्तान, चीन र कतार भने बाहिरिएका छन् ।
२०२२ मा विश्वकप आयोजना गर्ने जिम्मा पाएको कतार पुछारमा रहँदै बाहिरिनुले अर्को विश्वकपलाईसमेत असर पर्ने देखिएको छ ।