क्रिकेटमा भारतको किर्तिमान, विदेशी भुमिमा एकै श्रृंखलामा ९–० को जित
प्रकाशित २०७४ भदौ २२ बिहिबार
224
Shares
कोलम्बो । विश्व क्रिकेटमा भारतले इतिहास रचेको छ । भारतले विदेशी भुमिमा एकै श्रृंखलामा तीन फम्र्याटमा ९ खेल जित्ने पहिलो टिम बनेर भारतले इतिहास रचेको हो ।
श्रीलंका विरुद्ध ३ टेष्ट, ५ एक दिवसीय र १ टी–२० गरी ९ खेलमा ९–० ले क्लीन स्वीप गरेर भारतले इतिहास बनाएको हो ।
एकमात्र टी–२० मा भारतले बुधबार राति ७ विकेटको विजयी नतिजा ल्यायो । टस हारेर पहिले ब्याटिंगको निम्तो पाएको श्रीलंकाले ७ विकेटको नोक्सानीमा १७० रन बनायो ।
दिलशान मुनाविराले ५३ रन जोडे । युजभेन्द्र चहलले ३ विकेट लिए ।
जवाफमा भारतले कप्तान विराट कोहली विष्फोटक व्याटिंगले १९.२ ओभरमा ३ विकेटको नोक्सानीमा सफलता हासिल गर्यो ।
म्यान अफ दि म्याच कोहलीले ५४ बलमा १ छक्का र ७ चौकासहित ८२ रन बनाए । मनिष पान्डेले ३६ बलमा ५१ रन जोडे ।
एउटै श्रृंखलामा ९ खेल जित्ने किर्तिमान अष्ट्रेलियाले पाकिस्तानविरुद्ध बनाएको थियो ।
तर त्यो घरेलु भुमिमा थियो । भारतले भने विदेशी भुमिमा बनाएको हो ।
