जनकपुरधाम। नेपाली काँग्रेसका तर्फबाट जनकपुर उपमहानगरपालिकाको मेयर सहित सबै पदमा उम्मेदवारी दिएसंगै जनकपुर कांग्रेसमय भएको छ ।
स्थानीय तहको तेस्रो चरणमा प्रदेश नं २ अन्तरगत जनकपुर उपमहानगरपालिका सहित धनुषाको १८ स्थानिय तहमा नेपाली काँग्रेसका तर्फबाट बुधबार उम्मेद्वारी दर्ता भएको छ । उम्मेद्वारी दर्ता गर्दा वडा वडाबाट कार्यकर्ता तथा शुभेच्छुकहरु ठूलो संख्यामा निर्वाचन अधिकृतको कार्यालयमा पुगेका थिए ।
जनकपुर उपमहानगरपालिकाको मेयरमा नेपाली काँग्रेसले मृदुभाषि युवा नगर सभापति मनोजकुमार साह तथा उपमेयरमा नेतृ निलम कर्णलाई उम्मेदवार बनाएको छ । स्वच्छ छविका लोकप्रिय उम्मेद्वारहरु अगाडि सारेको हुनाले कांग्रेसका कार्यकर्तामा निक्कै उत्साह बढेको छ ।
उम्मेवारी दर्ताका समयमा काँग्रेसका कार्यकर्ताहरु मोटरसाईकल र साईकलमा कांग्रेसको चार तारे झण्डा र चुनाव चिन्ह रुख सहितको व्यानर राखेर नगरको विभिन्न भाग परिक्रमा गरेकोले जनकपुर काँग्रेसमय बन्न पुगेको हो ।
कांग्रेसका कार्यकर्ताले विद्युत र टेलिफोनका पोलहरुमा झण्डाहरु सजाएकोले जनकपुरको चुनावी माहौल काग्रेसमय भएको छ ।
