च्याम्पियन्स लिगमा बार्सिलोना, चेल्सी र म्यानचेस्टर युनाइटेडको शानदार सुरुआत
मेस्सी चम्के, नेइमार गोल गरेर पनि आलोचित भए
प्रकाशित २०७४ भदौ २८ बुधबार
171
Shares
क्याप नोउ । च्याम्पियन्स लिग फुटबलमा स्पेनिस क्लव बार्सिलोनाले शानदार सुरुआत गरेको छ । इटालियन क्लव युभेन्टसलाई ३–० ले हराउँदै बार्सिलोनाले उत्कृष्ट सुरुआत गरेको हो ।
मंगलबार राति आफ्नै मैदान नोउ क्याम्पमा भएको समुह डी को खेलमा बार्सिलोनालाई विजयी गराउन लियोनल मेस्सीले २ तथा इभाँ राकिटिचले १ गोल गरे ।
मेस्सी पछिल्लो समय हरेक खेलमा गोल गर्ने खेलाडी बन्दै आएका छन् । घरेलु प्रतिद्धन्द्धी क्लव रियाल मड्रिड तथा पोर्चुगलका खेलाडी क्रिष्टियानो रोनाल्डोबाट युरोपियन वर्ष खेलाडी छिनिएपछि मेसी आक्रामक खेल्न थालेका हुन् ।
समुह डीकै खेलमा पोर्चुगलको स्पोर्टिङ लिस्बनले ग्रिसको ओलम्पियाकोसलाई ३–२ ले हरायो ।
इंगलिस क्लवहरु म्यानचेस्टर युनाइटेड र चेल्सीले पनि विजयी सुरुआत गरेका छन् ।
समुह ए को खेलमा म्यानचेस्टर युनाइटेडले स्वीस क्लव एफसी बाजललाई ३–० ले हरायो ।
मराउने फेलियानी, रोमेलु लुकाकु र मार्कस रास्फोर्डले म्यानचेस्टरका लागि १–१ गोल गरे ।
यही समुहको अर्को खेलमा रसियन क्लव सिएसकेए मस्कोलाई पोर्चुगिच क्लव बेनिफिकाले २–१ ले हरायो ।
समुह बी को खेलमा जर्मन क्लब बार्यन म्युनिखले बेल्जियन क्लव एन्डरलेचलाई ३–० ले हराउँदा फ्रेन्च क्लव पेरिस सेन्ट जर्मेनले स्कटिस क्लव सेल्टिकलाई ५–० ले हरायो ।
पिएसजीका लागि ब्राजिलियन खेलाडी नेइमारले गोल गरे । तर उनले पहेंलो कार्ड पनि खाए । उनले सेल्टिकका राल्सटनसंग हात मिलाउन र सर्ट साट्न भने मानेनन् र आलोचित बने ।
समुह सी को खेलमा इंगलिस क्लव चेल्सीले काजखस्तानको एफके कारावागलाई ६–० ले हरायो ।
चेल्सीलाई घरेलु मैदान स्टामफोर्ड ब्रिजमा विजयी बनाउन पेड्रोरोड्रिग्वेज, डेभिज जापाकोष्टा, सेसार, टिमोयु र मिचिले गोल गरे । एक गोल आत्मघाती भएको थियो ।
यही समुहको अर्को खेलमा ईटालियन क्लव एएस रोमाले स्पेनिस क्लव एथ्लेटिको मड्रिडसँग गोलरहित बराबरीमा अड्किनु पर्यो ।
