एसीसी यू–१९ इस्टर्न रिजन क्रिकेटः नेपाल एक खेलअघि नै सेमिफाइनलमा, भुटानमाथि ९ विकेटको जित
दिपेन्द्रलाई ५ र सन्दिपलाई ४ विकेट
प्रकाशित २०७४ भदौ २८ बुधबार
350
Shares
मलेसिया । नेपाल मलेसियामा भइरहेको एसीसी यू–१९ इस्टर्न रिजन क्रिकेट प्रतियोगितामा समुहको एक खेल खेल्न बाँकी छँदै सेमिफाइनलमा पुगेको छ ।
लगातार दोस्रो जित हात पार्ने क्रममा नेपालले कमजोर भुटानलाई १० विकेटले हरायो ।
५१ रनको झिनो लक्ष्य नेपालले ८.३ ओभरमै १ विकेटको नोक्सानीमा जित हात पार्यो ।
सन्दिप सुनार २१ रनमा आउट भए । मोहम्मद आसिफ शेखले नटआउट २३ तथा अनिल कुमार साहले नटआउट ४ रन बनाए ।
यसअघि खेलमा टस जितेर भुटानले ब्याटिङ गरेको थियो । भुटानले २८ ओभर क्रिजमा टिकेर मात्र ५० रन बनायो ।
२ भुटानीले मात्र दोहोरो अंक जोडे । कप्तान टोसी फुन्टुसोले १६ तथा युगेन दोर्जीले १३ रन बनाए ।
कप्तान दिपेन्द्र सिंह ऐरीले कप्तानी इनिंग खेल्ने क्रममा ८ ओभरमा २३ रन खर्चेर ५ विकेट लिए ।
पहिलो खेलमा थाइल्याण्ड विरुद्ध ७ विकेट लिएका सन्दिप लामिछानेले भुटान विरुद्धको खेलमा ७ ओभरमा ७ रन खर्चेर ४ विकेट लिए ।
पहिलो विकेट नन्दन यादवले लिएका थिए ।
यसपटक नेपालको बलिङसंगै ब्याटिङ पनि चलेको छ ।
यसअघि भएको पहिलो खेलमा नेपालले थाइलैण्डलाई २५५ रनले पराजित गरेको थियो । सन्दिप लामिछानेले ७ विकेट लिएपछि थाइलैण्ड १० ओभरमा मात्र २६ रनमा समेटिएको थियो । नेपालले निर्धारित ५० ओभरमा ६ विकेट गुमाएर २८१ रन बनाएको थियो ।
अनिलकुमार साहले सर्वाधिक ९१ तथा प्रनित थापा मगरले ५० रन बनाएका थिए ।
प्रतियोगिताको समुह ‘ए’ मा रहेको नेपालले अन्तिम खेलमा बिहीबार सिंगापुरसंग खेल्नेछ ।
समुह ‘बी’ मा मलेसिया, हङकङ, चीन र म्यानमार छन् ।
फाइनल पुग्ने टोली यू–१९ एसिया कपका लागि छनोट हुने छ ।
बुधबारको अर्को खेलमा म्यानमारले चीनलाई १० विकेटले हरायो ।
