-
-
-
-
स्पेन । स्पेनिस लिग फुटबलमा डिफेन्डिङ च्याम्पियन रियाल मड्रिडको यो सिजन खासै जमेको छैन । रियालले पहिलो हार बेहोरेको छ ।
घरेलु मैदानमा रियालले बुधबार राति रियाल बेटिससंग १–० को पराजय बेहोर्नु पर्यो ।
पाँच खेलको प्रतिवन्धपछि टिममा फर्केका क्रिष्टियानो रोनाल्डोसमेत गोल गर्न चुकेपछि टिम पराजित भयो ।
ग्यारेथ बेलको लो पासमा गोल गर्न नसक्दा रोनाल्डो आलोचित भएका छन् ।
एन्टोनियो सानाब्राइयाले इन्जुरी समयको चौथो मिनेटमा गोल गरेर बेटिसलाई अविश्मरणिय जित दिलाए ।
यो हारले रियाल मड्रिड ५ खेलबाट ८ अंकसहित सातौं स्थानमा झरेको छ ।
सत्प्रतिशत नतिजा निकालेको बार्सिलोना शिर्ष स्थानमा छ ।
१३ अंकको सेभिल्ला दोस्रो, ११ अंकको एथलेटिको मड्रिड तेस्रो तथा ९–९ अंकका भ्यालेन्सिया, रियाल सोसिडाड र बेटिस क्रमशः चौथो, पाँचौ र छैटौं स्थानमा छन् ।
