-
-
-
-
थिम्पु । यू–१८ साफ च्याम्पियनसिप फुटबलको उपाधि नेपालले जितेको छ । लगातार दोस्रो पटक उपाधि जित्ने क्रममा नेपालले भुटानको थिम्पुमा भएको अन्तिम खेलमा भारतलाई २–० ले हरायो ।
नेपाललाई उपाधि जिताउने क्रममा अन्तिम खेलमा दुबै गोल गरेका दिनेश हेन्जन प्रतियोगिताकै सर्वोत्कृष्ट खेलाडी चुनिए ।
नेपालले यसअघि बंगलादेश र माल्दिभ्सलाई हराएको थियो भने भुटानसंग पराजित भएको थियो ।
समान ९ अंक नै भए पनि ‘हेड टु हेड’ का आधारमा नेपालले बंगलादेशलाई पन्छाउँदै उपाधि जित्न सफल भएको हो ।
तेस्रो भारत नै भएको छ । ६ अंक नै भए पनि भुटान भारतको पछितिर रह्यो ।
भुटानले फेयर प्लेको उपाधि जितेको छ ।
नेपाल विजेता बन्दा बंगलादेश पहिलो रनरअप, भारत सेकेन्ड रनरअप चुनियो ।
