-
-
-
-
बैंगलोर । एक दिवसीय क्रिकेटको शिर्ष स्थानमा पुगेको दुई दिनपछि नै भारत अष्ट्रेलियासंग पराजित भएको छ ।
बैंगलोरमा भएको चौथो एक दिवसीय क्रिकेटमा २१ रनको हार आत्मसात् गर्दै भारतको लगातार १० जितको यात्रा पनि टुंगिएको छ ।
खेलमा पहिले ब्याटिंग गरेको अष्ट्रेलियाले ५ विकेटको नोक्सानीमा ३३४ रन बनायो ।
डेभिड वार्नरले ११९ बलमा १२४ रन बनाए । पहिलो विकेटका लागि २३१ रनको पार्टनरसिप गर्ने क्रममा आरोन फिन्चले ९४ रन जोडे ।
उमेश यादवले ४ विकेट चड्काए ।
जवाफमा भारत जित नजिक पुगेर पनि हारको सामना गर्नुपर्यो ।
भारतले ८ विकेटको नोक्सानीमा ३१३ रन बनायो ।
केदार जाधवले ६७, रोहित शर्माले ६५ (५५ बलमा), अजिन्क्या रहानेले ५३ रन बनाए पनि टिमलाई जिताएनन् ।
हारपछि अष्ट्रेलिया पाँच खेलेको श्रृंखलामा क्लिन स्विप हुनबाट जोगिएको छ ।
भारत ३–१ ले अघि छ । अन्तिम खेल १ अक्टुबरमा नागपुरमा हुनेछ ।
