लापिलाङ (दोलखा) । नेपाली सेनाको दोलखामा रहेको रणभीम गण दोलखाले अति दुर्गम गाविसमा तीन दिन देखि गएर स्थानियलाई राहत वितरणको प्रबन्ध मिलाउदै थियो । तीन दिन सैनिका टोलीले गरेको न्यानो कपडा वितरण र अन्य बिभिन्न सामाग्री बितरणका लागि कुपन बितरण गर्यो । सोही कुपन मार्फत अइतबार नेपाली सेनाका सहायक रथि प्रदिप कुमार अधिकारीले लापिलाङ–५,६ र ७ का ५९४ जना भूकम्प पीडितहरुलाई ब्याल्याकेट १ थान ,मण्डी २ थान,सुकुल १ थान, बिस्कुट, ननभेज ड्राईफुड लगाएतका सामाग्री बितरण गरे ।
यीनै सहयोग सँगै चिसोका बिरामीको स्वास्थ्य परिक्षण गरेर यहाँका स्थानियबासीमा खुसी छाएको छ । चिसोले स्थानियको जनजिबन कष्टकर भईरहेको बेला सेनाको सहयोग प्रति गर्भ लागेको स्थानिय बल बहादुर थामीले बताए । चिसोका कारण दोलखामा भुकम्प पिडितहरुको अवस्था दयनिय भएको सञ्चार माध्यममा आएसँगै सेनाले सहयोग गरेको हो । स्वास्थ्य शिविर बालबालिका , महिला बृद्धबृद्धाको गरी ३सय जनाको स्वास्थ्य परिक्षण गरिएको सेनानी मनोज थापामगरले बताए ।
स्वास्थ्य परिक्षणका लागि नेपाली सेनाको सहसेनानी डाक्टर बिजय भुषण दत्त ,डाक्टर कृष्णप्रसाद देशेमरु लगायतले स्वास्थ्य परिक्षण् गरे । वडानं ५ की ६४ वर्षीया विष्णु कुमारी थामीले सरकारले नहेरे तापनि सरकारकै नेपाली सेनाले हाम्रो मर्म बुझेर चिसोबाट बच्ने न्यानो सिरकलगायतका हजारौका सामान दिएको छ, अब त अब बाँच्छौँ – भने ।
त्यसै गरी ६६ वर्षीय अहिमान थामी पनि पाएको न्यानो कपडाबाट खुसी छन् । उनले भने, -हामी भूकम्पबाट पीडित अवस्थाको हृेरचाह गर्ने अहिले सेना नै भएको छ । अब भने यसपालिको चिसोबाट बच्ने भएँ, म जस्ता बूढाको उद्धार भयो ।
