- सुन चाँदी दर
- विनिमय दर
- नेपाली पात्रो
- राशिफल
काठमाडौं । निर्वाचन आयोगले तत्काल प्रत्यक्षतर्फको मतपत्र छपाइ कार्य रोकेको छ । आयोगको कार्यतालिका अनुसार शुक्रबारदेखि प्रत्यक्षतर्फको मतपत्र छपाइ सुरु हुनुपर्ने हो ।
तर प्रतिनिधिसभा र प्रदेशसभाको मतपत्र एउटै रहने कि छुट्टाछुट्टै भन्ने विषयमा सर्वोच्च अदालतले कारण देखाउ आदेश जारी गरेपछि अन्योल बढेको भन्दै निर्वाचन आयोग तत्काललाई मतपत्र छपाइ गर्न पछि हटेको हो ।
समानुपातिकको मतपत्र छपाइ सकेर प्रत्यक्षतर्फको मतपत्र छाप्ने तयारी भैरहँदा सर्वोच्च अदालतको आदेशले आयोग नै अन्योलमा परेको हो।
सर्वोच्च अदालतले प्रतिनिधिसभा र प्रदेशसभाको प्रत्यक्षतर्फका मतपत्र छुट्टाछुट्टै छाप्न बाध्य पार्ने गरी कारण देखाउ आदेश दिएको छ।
निर्वाचन आयोगले केही ढिला गरी मतपत्र छापिए पनि समयमै निर्वाचन गर्न सकिने आश्वासन दिएको छ ।