-
-
-
-
काठमाडौं । अर्को वर्ष रुसमा हुने विश्वकप फुटबलका लागि छनोट हुने सबै ३२ टिमको टुंगो लागेको छ ।
आयोजक रुससहित ३२ टिमको टुंगो बिहिबार बिहान लागेको हो । अन्तिम छनोट हुने टिम भने पेरु रह्यो ।
अन्तरमहादेशीय प्लेअफमा पेरुले न्युजिल्याण्डलाई हरायो ।
पहिलो लेग गोलरहित बराबरी खेलेको पेरु दोस्रो लेगमा घरेलु मैदानमा बिहिबार बिहान २–० ले विजयी भयो ।
२८ औं मिनेटमा जेफर्सन फार्फान र ६५ औं मिनेटमा क्रिष्टियन गुइलेर्मो रामोसले गोल गर्दै पेरुलाई जिताए ।
पेरुले एग्रिगेसनमा २–० को जित हात पारेको हो ।
यसअघि ३१ राष्ट्र बन्ने क्रममा अष्ट्रेलियाले होन्डुरसलाई हराएको थियो ।
अष्ट्रेलियासंगै एसियाबाट पहिलो पटक फुटबल इतिहासमा पाँच टिम विश्वकपका लागि छानिएका छन् ।
एसियाबाट जापान, दक्षिण कोरिया, ईरान र साउदी अरेबिया पनि छानिएका हुन् ।
