arrow

खजुरावासीलाई लोकतान्त्रिक गठबन्धनको भरोसा, माग पूरा गर्ने आश्वासन

logo
प्रकाशित २०७४ मंसिर १ शुक्रबार
31.jpg

नेपालगञ्ज । बाँकेको खजुरा गाउँपालिका–३ धौलागिरी गाउँका स्थानीयले सडक र विजुली बत्तीको माग गरेका छन् । 

काँग्रेस नेतृत्वको लोकतान्त्रिक गठबन्धनको चुनावी अभियानका क्रममा पुगेका उम्मेदवार तथा नेताहरुसँग स्थानीयले बर्षौंदेखि आफूहरु धुलाम्मे र हिलाम्मे सडकमा हिँड्नु परेको भन्दै सडक कालोपत्रको माग गरेका हुन् । 

त्यस क्रममा कांग्रेसका ३ नम्वर क्षेत्रका प्रतिनिधिसभाका उम्मेदवार बादशाह कुर्मीले आफूले जिते केन्द्रमा पुगेर बाँकेको विकास गर्न चाहेको बताए । 

क्षेत्र नम्वर ३ ख का प्रदेशसभा उम्मेदवार लक्ष्मी नारायण शाहले काँग्रेस नेतृत्वको लोकतान्त्रिक प्यानललाई विजयी बनाए अब मुलुकमा सम्बृद्धि र विकासले गति लिने बताए । 

आफूहरुले जितेमा सडक, विजुलीलाई प्राथमिकतामा राखेर काम गर्ने उम्मेदवारहरुले प्रतिबद्धता जनाए । 

च्यामा, गनापुर, उढरापुर र मनकामनामा विहीबार घरदैलो गरिएको कुर्मीले बताए । 

त्यस्तै प्रतिनिधिसभा क्षेत्र नम्बर १ का उम्मेदवार माधबराम खत्री, प्रदेश सभाका उम्मेदवारद्वय शरदचन्द्र बर्मा र नारायण गौडेलले पनि घरदैलो र कोणसभा गरेर प्रचारलाई तीब्र बनाएका छन् । 

यता बजार क्षेत्र समेटिएको क्षेत्र नम्बर २ मा पनि लोकतान्त्रिक गठबन्धनका प्रतिनिधिसभाका उम्मेदवार ओमप्रकाश आजाद र प्रदेश सभाका उम्मेदवारद्वय निरन्जनसिंह सिंजापति र सुरेन्द्र हमालले पनि प्रचारप्रसारलाई पनि तिब्रता दिएको कांग्रेस बाँकेका सचिव तप्त पौडेलले बताए । 
 



लोकप्रिय समाचार
लोकप्रिय समाचार
नयाँ