-
-
-
-
एन्फिल्ड । इंगलिस प्रिमियर लिग फुटबलमा शनिबार राति चेल्सी र लिभरपुल भिड्दै छन् । खेल राति ११ः१५ बजे लिभरपुलको मैदानमा हुँदेछ ।
यो खेलले उपाधि दावेदारीलाई समेत प्रभाव पार्न सक्ने अनुमान गरिएको छ ।
एन्फिल्डमा हुने खेलमा खेल्नका लागि चेल्सी निकै सचेत भएर आएको छ । उसलाई उपाधि दावेदारीलाई कायम राख्न लिभरपुलमाथि जित हासिल गर्नैपर्नेछ ।
तर लिभरपुलकै मैदानमा हराउन चेल्सीलाई सजिलो छैन ।
लिगमा शुक्रबार राति वेस्टह्याम र लेस्टर सिटीले १–१ को बराबरी खेले ।
शनिबार राति ८ः४५ बजे म्यानचेस्टर युनाइटेड र ब्राइटन, क्रिस्टल प्यालेस र स्टोक, न्युकासल युनाइटेड र वाटफोर्ड, स्वान्सी र बर्नमाउथ तथा टोटनह्याम र वेष्टब्रोम भिड्ने छन् ।
लिगमा १२ औं चरणको समाप्तिसम्म म्यानचेस्टर सिटी ३४ अंकबाट शिर्ष, म्यानचेस्टर युनाइटेड २६ अंकबाट दोस्रो, चेल्सी २५ अंकबाट तेस्रो स्थानमा छ ।
टोटनह्यामको २३, लिभरपुलको २२, आर्सनलको २२ र बर्नलीको पनि २२ अंक नै छ ।
फुटबल
