म्यान्चेस्टर युनाइटेड जित्यो, टोटनह्याम चिप्लियो, यी हुन् बुधबार रातिका भिडन्त
प्रकाशित २०७४ मंसिर १३ बुधबार
157
Shares
काठमाडौं । इङ्लिस प्रिमियर लिग फुटबलमा म्यानचेस्टर युनाइटेडले जित हात पार्दा टोटनह्याम हट्सपर चिप्लिएको छ ।
दोस्रो स्थानको म्यान्चेस्टर युनाइटेडले वाट्फोर्डलाई उसैको मैदानमा ४–२ ले हरायो ।
म्यान्चेस्टरलाई विजयी गराउन आस्ले योङले २ गोल गरे । त्यसैगरी एन्टोनियो मार्सियल र जेस्सी लिङ्गार्डले १–१ गोल गरे । पराजित वाट्फोर्डका लागि ट्रोए डिनी र डोकोरेले गोल फर्काए ।
टोटनह्याम हट्सपर भने लेष्टर सिटीसंग २–१ ले पराजित भएको छ ।
लेष्टर सिटीको मैदानमा घरेलु टोलीलाई विजयी गराउन जेमी भार्डी र रियाल माहारेजले १–१ गोल गरे । टोटनह्यामका ह्यारी केनले एक गोल फर्काए ।
ब्राईटन र क्रिष्टल प्यालेसले गोलरहित बराबरी खेल्दा वेष्टब्रोम र न्युकासलले २–२ गोलको बराबरी खेले ।
लिगको अंक तालिकामा १३ खेलबाट म्यानचेस्टर सिटी ३७ अंकसहित शिर्ष स्थानमा छ । सिटीले बुधबार राति साउथ ह्याम्पटनसंग खेल्दैछ ।
१४ खेलबाट म्यानचेस्टर युनाइटेडको ३२ अंक भएको छ । तेस्रो स्थानको चेल्सीको १३ खेलबाट २६ अंक छ । चेल्सीले राति स्वान्सी सिटीसंग खेल्दैछ ।
२५ अंकसहित चौथो स्थानको आर्सनलले हडर्सफिल्ड टाउनसंग तथा २३ अंकसहित छैटौं स्थानको लिभरपुलले स्टोक सिटीसंग खेल्दैछ । पाँचौ स्थानको टोटनह्यामको २४ अंक छ ।
