- सुन चाँदी दर
- विनिमय दर
- नेपाली पात्रो
- राशिफल
बुटवल। निर्वाचनको मिति नजिकिँदै गर्दा बाम गठबन्धनमा आवद्ध तथा माओवादी केन्द्र तथा एमाले परित्याग गरी बुटवल उपमहानगरपालिका १२ मा एकसयभन्दा बढि युवाहरू नेपाली काँग्रेसमा प्रवेश गरेका छन् । गत स्थानीय निर्वाचनमा माओवादी केन्द्रको तर्फबाट बुटवल उपमहानगरपालिका वडा नं १२ मा वडा सदस्यको उम्मेदवार बनेका कूलबहादुर विकको नेतृत्वमा एकसय बढि एमाले तथा माओवादी केन्द्रका युवाहरू नेपाली काँग्रेसमा प्रवेश गरेका हुन् ।
उनीहरुलाई रुपन्देही क्षेत्र नं २ अन्तरगत प्रदेशसभा २ का उम्मेदवार महेशमान सिँहले एकैसाथ पार्टी प्रवेश गराएको प्रदेशसभा २ का प्रचारप्रसार सचिव मुक्ति अधिकारीले जानकारी दिए । पार्टी प्रवेश गराउने कार्यक्रममा बोल्दै उम्मेदवार सिँहले नेपाली काँग्रेसले सबै पक्षलाई मिलाएर लैजाने दाबी गरे । उनले नवप्रवेशी कार्यकर्ताहरुलाई विचलित नभई नेपाली काँग्रेसलाई अत्याधिक मतले विजयी गराउने अभियानमा लाग्न आग्रह गरे ।
एक अर्को प्रसङ्गमा उम्मेदवार सिँहले अहिलेको निर्वाचन भनेको मुलुकमा एकदलीय कम्युनिष्ट शासन लाद्ने कि लोकतान्त्रिक पद्दति लागूगर्ने भन्ने विषयमा केन्द्रीत भएको दाबी गरे ।
प्रवेश गराउने कार्यक्रममा नेपाली काँग्रेसका नेता तथा निर्वाचन प्रचार समितिका जिल्ला संयोजक रामकृष्ण खाँण, प्रदेश सभा २ का प्रचारप्रसार संयोजक हरिबहादुर आचार्य, काँग्रेस नेता उदय काफ्ले र नवप्रवेशीको तर्फबाट कूलबहादुर विकलगायतले लोकतान्त्रिक शक्तिको बिजयीबिना मुलुकको विकास हुन नसक्ने दाबी गरे ।
कार्यक्रम रत्नबहादुर थापाको सभापतित्वमा भएको थियो । यसैबीच बुटवल उपमहानगरपालिका वडा नं ११ बाट पनि अखण्ड नेपाल पार्टी परित्याग गरी जुनु खनाल, हरिकला कार्की र मिना बेल्वासे नेपाली काँग्रेसमा प्रवेश गरेको क्षेत्र नं २ अन्तरगतको प्रदेश सभा २ की प्रचार प्रसार समिति सचिव नुमा थापाले जानकारी दिइन् ।