-
-
-
-
काठमाडौं । इङलिस प्रिमियर लिग फुटबलको म्यानचेस्टर डर्बीमा म्यान्चेस्टर सिटीले म्यान्चेस्टर युनाइटेडलाई हराएको छ । सिटीले युनाइटेडलाई उसकै घरेलु मैदानमा २–१ ले हराएको हो ।
आइतबार राति युनाइटेडको ओल्ड ट्राफोर्डमा भएको खेलमा सिटीलाई विजयी गराउन डेभिड सिल्भा र निकोलस ओटामेण्डीले एक–एक गोल गरे ।
युनाइटेडका मार्कस रास्फोर्डले एक गोल गरेका थिए । जितसँगै सिटीले तालिकाको शीर्ष स्थानमा ११ अंकको अग्रता लिएको छ ।
यो खेलपछि सिटीको उपाधि यात्रा पनि बलियो भएको छ ।
१६ खेलबाट ४६ अंकसहित सिटी शीर्ष स्थानमा छ भने ३५ अंकको युनाइटेड दोस्रो स्थानमा छ । त्यसैगरी ३२ अंकबाट चेल्सी तेस्रो स्थानमा छ ।
