-
-
-
-
काठमाडौं । देशभर मौसमले सताएको छ । मौसम पूर्वानुमान महाशाखाका मौसमविद् सुवास रिमालका अनुसार सोमबार पूर्वमा आंशिक बदली हुनेछ भने अन्य क्षेत्रमा मौसम सफा नै रहने छ ।
तर बिहानीपख अधिकांश क्षेत्रमा हूस्सू लागेको छ । हिमाली केही जिल्लामा मात्र हिमपात भएको छ । आंशिक वर्षा हुन सक्ने रिमालले बताए ।
काठमाडौं उपत्यकामा बाक्लो हूस्सू लागेको छ । हूस्सू खुल्न १० बजेसम्मको समय कुर्नुपर्ने मौसमविद् रिमालले हाम्राकुरालाई बताए ।
बिहान ६ः३० बजे काठमाडौंको न्यूनतम तापक्रम ४.६ डिग्री रहेको थियो ।
पश्चिम तराईमा बाक्लो हूस्सू देखिएको छ । दिउँसोतिर मौसम खुल्दै जाने रिमालले बताए ।
