-
-
-
-
बार्सिलाना । स्पेनिस फुटबल क्लव बार्सिलोनाका कप्तान लियोनल मेस्सीले एकैपटक दुई दुई वटा अवार्ड पाएका छन् ।
अर्जेन्टाइन स्ट्राइकर मेस्सीले सोमबार राति भएको विशेष समारोहमा सन् २०१६–१७ को सिजनका लागि पिचिची अवार्ड र अलफ्रेडो डि स्टेफानो अवार्ड जितेका हुन् ।
यो अवार्ड स्पेनिस खेल पत्रिका मार्काले प्रदान गरेको हो ।
मार्काले हरेक वर्ष ला लिगामा सर्वाधिक गोल गर्ने खेलाडीलाई पिचिची अवार्ड दिने गरेको छ ।
मेस्सीले गएको सिजन ला लिगामा ३४ खेलमा ३७ गोल गरेका थिए ।
अलफ्रेडो डि स्टेफानो अवार्ड भने ला लिगामा सिजनको उत्कृष्ट खेलाडीलाई प्रदान गरिन्छ ।
पुरस्कार समारोहमा बार्सिलोनाका मिडफिल्डर आन्द्रेश इनिएस्टाले स्पेनको सबैभन्दा अमूल्य खेलाडीको अवार्ड पाएका छन् ।
बार्सिलोनाले यसपटक ला लिगा जित्ने लक्षण ल्याएको छ । १६ खेलबाट ४२ अंक जोडेको बार्सिलोना शिर्ष स्थानमा छ ।
दोस्रो स्थानको एथलेटिकोको ३६, तेस्रो स्थानको भ्यालेन्सियाको ३४ तथा डिफेन्डिङ च्याम्पियन रियाल मड्रिडको ३१ अंक छ ।
