बार्सिलोना कोपा डेल रेको क्वाटरफाइनलमा, गोलको वर्षामा मेस्सीको दुई, के गरे कौटिन्होले ?
प्रकाशित २०७४ पुष २८ शुक्रबार
438
Shares
काठमाडौं । स्पेनिस लिग ला लिगा फुटबलको लिडर बार्सिलोना कोपा डेल रे फुटबलको क्वाटरफाइनलमा पुगेको छ । प्रिक्वाटरफाइनलको दोस्रो लेगको खेलमा घरेलु मैदानमा सेल्टा भिगोलाई ५–० ले हराउँदै बार्सिलोना क्वाटरफाइनलमा पुगेको हो ।
लियोनल मेस्सीले २ तथा योर्डी अल्बा, लुइस सुवारेज र इभाँ राकिटिचले एक एक गोल थपे ।
पहिलो लेगमा १–१ गोलको बराबरी खेलेको बार्सिलोना बिहीबार रातिको जितसँगै एग्रिगेटमा ६–१ को परिणामका साथ क्वार्टरफाइनलमा पुगेको हो ।
दोस्रो महंगो राशीमा अनुवन्धित फिलिप्पे कौटिन्हो भने घाइतेबाट सुधारिँदै खेल हेरेर बसेका थिए ।
अन्य खेलमा लेभान्तेलाई एग्रिगेटमा ३–२ ले हराउँदै ईस्पानियोल तथा काडिजलाई एग्रिगेटमा ४–२ ले हराउँदै सेभािया पनि अन्तिम आठमा पुगेका छन् ।
यसअघि रियाल मड्रिड, एथ्लेटिको मड्रिड, भ्यालेन्सिया, लेगानेज र अलाभेज पनि क्वाटरफाइनलमा पुगिसकेका छन् ।
