-
-
-
-
काठमाडौं । स्पेनिस लिग ला लिगा फुटबलमा बार्सिलोनाको विजयी यात्रा कायमै रहेको छ । बार्सिलोनाले आइतबार राति रियाल सोसिडाडलाई उसकै मैदान इस्टाडिओ एनोएटामा ४–२ ले हरायो ।
२–० ले पछि परेको बार्सिलोनाले त्यसपछि लगातार गोल गर्दै महत्वपुर्ण ३ अंक बटुल्यो । सोसिडाडका लागि विलियन जोस र युआन्मीले गोल गरे ।
बार्सिलोनाका लागि लुइस सुवारेजले २ तथा पाउलिन्हो र लिओनल मेस्सीले १–१ गोल गरे ।
यो जितपछि बार्सिलोनाले १९ खेलबाट ५१ अंकसहित दोस्रो स्थानको एथलेटिको मड्रिड भन्दा ९, तेस्रो स्थानको भ्यालेन्सियाभन्दा ११ र चौथो स्थानको रियाल मड्रिडभन्दा १९ अंकको अग्रता लिएको छ ।
