काठमाडौं। बंगलादेशमा जारी आइसीसी अण्डर–१९ विश्वकप क्रिकेटमा नेपालले न्यूजिल्याण्डविरुद्ध शानदार प्रदर्शन गर्दै विजयी सुरुवात गरेको छ। आफ्नो पहिलो खेलमा समूह डी मै रहेको न्यूजिल्याण्डलाई ३२ रनले
हराउँदै विजयी सुरुवात गरेको हो । टस हारेर पहिले व्याटिङ गरेको नेपालले दिएको दुई सय ३९ रनको चुनौती पछ्याएको न्यूजिल्याण्ड १७ बल खेल्न बाँकी छँदै अलआउट भएर मात्र दुई सय ६ रनमा समेटियो । योसंगै नेपालले अघिल्लो चरण प्रवेशको बाटो खुल्ला गरेको छ । सन् २००६ को विश्वकप प्लेट च्याम्पियनसिपमा न्यूजिल्याण्डलाई हराउँदै नेपाल च्याम्पियन भएको थियो।
न्यूजिल्याण्डविरुद्धको अर्को सफलताका रुपमा नेपाली खेलाडीले फेरि एकपटक गर्विलो प्रदर्शन गरेका छन् । खान शाहेव ओस्मान अली स्टेडियम फतुल्लाहमा भएको खेलमा पहिले व्याटिङ गरेको नेपालले ७ विकेटको क्षतिमा २ सय ३८ रन बनाएको थियो । नेपालका लागि कप्तान राजु रिजालले सर्वाधिक ४८ रन बनाए । ओपनर सन्दीप सुनार र आरिफ शेखले समान ३९–३९ रन जोडे । आठौँ क्रममा आएका कुशाल भुर्तेलले आक्रमक व्याटिङ्ग गरे उनले ३० बलको सामना गर्दै नटआउट ३५ रन बनाए । यस्तै, राजबिरले २४, सुनील धमलाले १५ तथा दिपेश ऐरीले १६ रन बनाए । बलिङतर्फ न्यूजिल्याण्डका नाथन स्मिथले ५८ रन खर्चेर ३ विकेट झारे । खेलमा १२ रन नेपालले अतिरिक्त पायो ।
न्यूजिल्याण्डका लागि ग्लेन फिलिप्सले ५२ रनको बनाए । उनलाई प्रेम तामाङले शखर रानाको हातबाट क्याच गराए । अर्को ब्याट्सम्यान जोस फिनेइले ३७ रन र डेन फेलिप्सले २९ रन बनाउनु बाहेक अन्य व्याट्सम्यानले खासै प्रदर्शन गर्न सकेनन् । न्यूजिल्याण्डको व्याटिङ कमजोर पार्न दिपेन्द्र ऐरीले उत्कृष्ट बलिङ्ग गरे । उनले ५ ओभर बलिङ्ग गर्दै २४ रन खर्चेर ३ विकेट लिए । प्रेम तामाङले १० ओभरमा ३८ रन खर्चेर २ विकेट झारे । नेपालका सुशील कंडेलले फेरि किफायती बलिङ्ग गरे । कंडेलले १० ओभरमा १ मेडन राख्दै कुनै विकेट नझारे पनि २९ रन मात्र दिए ।
न्यूजिल्याण्डको व्याटिङ कमजोर पार्न दिपेन्द्र ऐरीले उत्कृष्ट बलिङ्ग गरे । उनले ५ ओभर बलिङ्ग गर्दै २४ रन खर्चेर ३ विकेट लिए । प्रेम तामाङले १० ओभरमा ३८ रन खर्चेर २ विकेट झारे । नेपालका सुशील कंडेलले फेरि किफायती बलिङ्ग गरे । कंडेलले १० ओभरमा १ मेडन राख्दै कुनै विकेट नझारे पनि २९ रन मात्र दिए ।
निर्णायक आत्मविश्वास
न्यूजिल्याण्डविरुद्धको खेलमा नेपाली खेलाडीले आफ्नो प्राकृतिक प्रदर्शन गरेका छन् । ब्याटिङको क्रममा उत्कृष्ठ सट छनोट, धैर्यता र समन्वयात्मक रणनीती तथा आत्मविश्वास साथ बिना कुनै दबाबको खेल पस्के । न्यूजिल्याण्डको तीब्र बलिङको चुनौतीमा सम्हालिँदै चलाखिपूर्ण खेलको उदाहरण प्रस्तुत गरे । बलिङमा समेत टेष्ट मान्यता प्राप्त राष्ट्रको युवा टोलीविरुद्ध एक तर्फबाट रन रोक्दै अर्को तर्फ विकेट लिने आक्रामक रणनीतीले निरन्तरता पायो ।
बलिङ गर्दै सुरुवात देखि नै विपक्षी खेलाडीलाई दबाबमा राखेर खेल जित्न सफल नेपाली युवा सक्षम रहे । यो जितसगैँ नेपालले न्यूजिल्याण्डलाई १० वर्ष भित्र भएका दुई महत्वपूर्ण प्रतियोगितामा हराएको रेकर्ड बनाएको छ । उमेर समूहको विश्वकपकै कुरा गर्दा नेपालले दुई पटक न्यूजिल्याण्डलाई स्तब्ध पारेको छ । जितसंगै नेपालले सन् २००६ को प्लेट च्याम्पियनसिपको फाइनलमा १ विकेटले हराउएको रोचक इतिहासलाई सम्झाएको छ।
