-
-
-
-
काठमाडौं । कप्तान विराट कोहली चम्केपछि फेरि पनि भारतले दक्षिण अफ्रिकालाई एक दिवसीय क्रिकेटमा हराएको छ ।
तेस्रो खेलमा भारत १२४ रनले विजयी भएको हो । केप टाउनमा बुधबार राति भएको खेलमा पहिले ब्याटिङ गरेको भारतले ६ विकेटको नोक्सानीमा ३०३ रन बनायो ।
कोहलीले १५९ बलमा नटआउट रहँदै १६० रन बनाए । शिखर धवनले ७६ रन बनाए ।
जवाफमा दक्षिण अफ्रिकाले ४० ओभरमा अलआउट हुँदै १७९ रन मात्र बनाउन सक्यो । युजभेन्द्र चाहाल र कुलदिप यादवले ४–४ विकेट लिए । जसप्रित बुमराहले २ विकेट लिए ।
यो जित भारतको फराकिलो जित हो । जितपछि भारतले ६ खेलको सिरिजमा ३–० को अग्रता लिएको छ ।
पहिलो पटक दक्षिण अफ्रिकामा यति ठूलो सफलता नजिक पुगेको भारतलाई अब सिरिज जित्न ३ मध्ये १ खेल जिते पुग्नेछ ।
