प्रदेश ३ को सभामुखमा एमालेका सानुकुमार श्रेष्ठ निर्विरोध

प्रकाशित मिति : २०७४ माघ २७ शनिबार

हेटौँडा ।  प्रदेश नं ३ को प्रदेश सभामुखमा नेकपा एमालेका सानुकुमार श्रेष्ठ शनिवार आज निर्विरोध चयन भएका छन् । निर्वाचन प्रक्रियामा श्रेष्ठको मात्र उम्मेदवारी परेपछि उनि निर्विरोध निर्वाचित भएका हुन् ।

मनोनयनका लागि दिइएको समयभित्र उनको मात्र उम्मेदवारी परेको ३ नं प्रदेशसभा सचिवालयका सचिव डा रोजनाथ पाण्डेले जानकारी दिए । श्रेष्ठको प्रस्तावक नेकपा माओवादी केन्द्रका सालिकराम जमरकट्टेल र समर्थक नेकपा एमालेका रामेश्वर फुँयाल रहेका थिए । निर्विरोध निर्वाचित सभामुख श्रेष्ठ काठमाडौँ महानगरपालिका– ३२ कोटेश्वर निवासी हुन् ।

यसैबीच अहिले अपराह्न तीन बजे वस्ने प्रदेश नं ३ को संसद् वैठकले निर्वाचनको परिणाम घोषणा गर्ने तयारी भइरहेको प्रदेशसभा संसद् सचिवालयका अधिकृत विनोद पौडेलले जानकारी दिए । रासस

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ