- सुन चाँदी दर
- विनिमय दर
- नेपाली पात्रो
- राशिफल
काठमाडौं। भारत बिरुद्धको दोस्रो टि-२० क्रिकेटमा दक्षिण अफ्रिका ६ विकेटले बिजयी भएको छ।
टस जितेर भारतलाई ब्याटीङ गर्न निम्त्याएको अफ्रिकाले शुरुमा कसिलो बलिङ गरेको थियो। भारतले खाता नखोल्दै रोहित शर्मालाई गुमाएको थियो। फर्ममा रहेका भारतीय कप्तान बिराट कोहली १ रन मात्र बनाएर पेवेलियन फर्केका थिए।
भारतकालागि मनिस पाण्डे र पुर्व कप्तान महेन्द्र सिंह धोनीले ९८ रनको साझैदारी गर्दै ४ विकेटको क्षतिमा १८८ रन भारतीय टोलीले बनाएको थियो।
पाण्डेले ४८ बलमा ७९ रन बनाएका थिए भने धोनीले २८ बलमा ५२ रनको योगदान गरेका थिए। अफ्रिकाका कार्ल डालाले ४ ओभरमा १ मेडेन सहित २८ रन खर्चिंदै २ विेकट लिएका थिए।
जवाफमा ब्याटीङ गर्न ओर्लेको अफ्रिकाले १८९ रनको लक्ष्य १८.४ ओभरमा ४ विकेट गुमाउँदै जित हासिल गरेको थियो।
अफ्रिकाकालागि हेन्रिक क्लासेनले बिस्फोटक ब्याटीङ गर्दै ३० बलमा ७ छक्का र तीन चौकाको मदतले ६९ रन बनाएका थिए। त्यसैगरि कप्तान जेपी डुमिनीले ४० बलमा ६४ रन बनाएका थिए।
भारतकालागि जयदेव उनाड्कटले २ विकेट लिएका थिए। तीन खेलको शृखंलामा पहिलो खेल भारतले जितेको थियो भने दोस्रो अफ्रिकाले जितेको थियो। अब अण्तिम खेलले शृखंलाको निर्णय गर्ने छ। फेब्रुअरी २४मा अन्तिम खेल खेलिने छ।