-
-
-
-
काठमाडौं । इङलिस प्रिमियर लिग फुटबलमा म्यानचेस्टर युनाइटेडले चेल्सीलाई २–१ ले हराएको छ ।
आइतबार राति म्यान्चेस्टर युनाइटेडको मैदान ओल्ड ट्राफोर्डमा भएको खेलमा चेल्सीका विलियनले पहिलो गोल गरे पनि टिमको अग्रता जोगिएन ।
त्यसपछि रोमेलु लुकाकु र जेस्सी लिंगार्डले गोल गर्दै युनाइटेडलाई विजयी गराएका हुन् ।
यो खेलले युनाइटेडका प्रशिक्षक जोेजे मौरिन्होलाई खुसी दिएको छ । उनी चेल्सीबाट यसअघि निकालिएका थिए ।
प्रिमियर लिगको अंक तालिकामा २७ खेलबाट ७२ अंक जोडेको म्यानचेस्टर सिटी शिर्ष स्थानमा यथावत छ ।
एक खेल बढी खेलेको म्यान्चेस्टर युनाईटेड ५९ अंकसहित दोस्रो, ५७ अंकसहित लिभरपुल तेस्रो स्थानमा छ ।
चौथो स्थानको टोटनह्यामको ५५ अंक छ ।
हारले चेल्सी भने ५३ अंकको साथ चेल्सी पाँचौ स्थानमा धकेलिएको छ ।
