- सुन चाँदी दर
- विनिमय दर
- नेपाली पात्रो
- राशिफल
काठमाडौं । जिम्बाबेमा हुने आर्इसिसी विश्वकप छनोट क्रिकेटका वार्मअप खेलहरु मंगलबारबाट सुरु हुँदैछन् ।
पहिलो वार्मअप खेलमा नेपालको भिडन्त चिरपरिचित प्रतिद्धन्द्धी युएईसंग हुँदैछ ।
खेल मंगलबार दिउसो १ः१५ देखि सुरु हुनेछ ।
नेपाल र युएई वल्ड क्रिकेट लिग डिभिजन टु बाटै विश्वकप छनोट खेल्न पाएका हुन् ।
नेपालले उपाधि भिडन्तमा युएईसंग ७ रनको तितो हारको सामना गर्दै जिम्बावेको टिकट काटेको थियो ।
१० टिम सहभागी प्रतियोगितामा नेपाल समुह बी मा रहेको छ ।
नेपालको समुहमा आयोजक जिम्बाबेसँगै, अफगानिस्तान, स्कटल्यान्ड र हङकङ जस्ता बलियो टोली रहेका छन् ।
नेपालले प्रतियोगिताको सुरुवात गर्नुअघि दुई अभ्यास खेल खेल्दैछ । दोस्रो अभ्यास खेलमा नेपालले हङकङसँग १ मार्चमा खेल्नेछ ।
नेपालको असली भिडन्त भने ४ मार्चबाट सुरु हुनेछ । नेपालको पहिलो खेल आयोजक जिम्बावेसंगै हुनेछ ।
यसअघि विश्वकप छनोटको ट्रफी सार्वजनिक भएको छ । हरारेमा आयोजित एक विशेष समारोहबीच जिम्बाबेका राष्ट्रपति इर्मसन माङ्गाग्वाले ट्रफी सार्वजनिक गरेका थिए ।