world cup

सर्दुलले करियरको बेष्ट खेलेपछि जिताए भारतलाई 

प्रकाशित मिति : २०७४ फाल्गुण २९ मंगलबार , २,३७३ पटक हेरिएको
तस्वीर – एजेन्सी

काठमाडौं । २६ वर्षे राइट आर्म मिडियम बलर सर्दुल ठाकुरले करियरकै बेष्ट बलिङ गरेपछि श्रीलंकाविरुद्धको टी–२० क्रिकेटमा भारतलाई ६ विकेटले जिताएका छन् । 

श्रीलंका विरुद्धको खेलमा ठाकुरले कोलम्बोमा भएको खेलमा २७ रन खर्चिएर ४ विकेट लिए । जुन उनको करियरकै उत्कृष्ट हो । 

श्रीलंकाले १९ ओभरमा झारिएको खेलमा ९ विकेटको नोक्सानीमा १५२ रन बनायो । 

कुसल मेन्डिसले ५५ रन बनाएको इनिङमा ठाकुरले ४ विकेट लिँदा वासिंगटन सुन्दरले २ विकेट झारे । 

जवाफमा समान्य चुनौती भारतले ४ विकेटको नोक्सानीमा १७.३ ओभरमै
 पूरा गर्यो । 

मनिष पान्डेले ३१ बलमा ४२ तथा दिनेश कार्तिकले २५ बलमा ३९ रन बनाए । 

ट्रयाङ्गुलर सिरिजमा भारत ३ खेलमा २ जितसहित शिर्ष स्थानमा छ । श्रीलंका र बंगलादेशले १–१ खेल जितेका छन् । 
 

नयाँ