- सुन चाँदी दर
- विनिमय दर
- नेपाली पात्रो
- राशिफल
काठमाडौं । शिर्ष वरियताका टेनिस खेलाडीहरु रोजर फेडेरर र नोभाक जोकोभिच अमेरीकामा भइरहेको मायामी ओपन टेनिसबाट बाहिरिएका छन् ।
मायामीको फ्लोरिडामा भएको खेलमा शिर्ष स्थानमा रहेका स्वीस खेलाडी फेडेरर अष्ट्रेलियाका थानसी कोकोनोकीससँग पराजित भए ।
१७५ औँ स्थानमा रहेका अनसिडेड थानसीसँग फेडेरर ३–६, ६–३ र ७–६ को सेटमा हार्न पुगेका हुन् ।
यो हारपछि ३६ वर्षीय फेडेररले शिर्ष स्थान गुमाउने भएको छन् । उनको स्थान अब पूर्व विश्व नम्बर एक स्पेनिस खेलाडी राफेल नाडालले लिनेछन् ।
गत महिना नाडाललाई लाई पछि पार्दै शिर्ष स्थानमा उक्लिएका फेडेररले गत साता इन्डियाना वेल्समा पनि उपाधि जित्न सकेका थिएनन् ।
अर्का पूर्व विश्व नम्बर एक जोकोभिच पनि बाहिरिएका छन् । उनी फ्रेन्च खेलाडी बनोइट पिएरीसँग ६–३ र ६–४ ले पराजित भए ।
यस्तै महिलातर्फ विश्व नम्बर एक सिमोना हलेप तेस्रो चरणबाट बाहिरीएकी छिन । आइतबार बिहान भएको खेलमा हलेप एग्निस्का राडवान्स्कासँग ६–३, २–६ र ३–६ ले हारिन् ।