महेन्द्रनगर। नेपाली काँग्रेस भीमदत्त नगरपालिकाको सभापतिमा पदमराज अवस्थी विजयी भएका छन्। निकटतम प्रतिद्वन्द्वी अच्यूतराज कलौनीलाई ६५ मतले पराजित गर्दै अवस्थी विजयी भएका हुन्। भीमदत्त नगरपालिकाको नगर अधिवेशनमा सभापति पदमा पदमराज अवस्थीले ५ सय ४२ मत र कलौनीले ४ सय ७७ मत ल्याएका छन्। मत मतगणना अनुसार नगर सभापतिका अर्का उम्मेदवार प्रेमबहादुर विष्टले ७७ मत ल्याएका छन्। नगर अधिवेशनमा १ हजार १ सय ६० मत खसेको थियो।
नगर सचिवमा उमेशप्रसाद जोशी विजयी भएका छन्। जोशीले ४ सय ५७ मत ल्याएका छन्। निकटतम प्रतिद्वन्दी रामप्रसाद जोशीले ३ सय ३८ मत र पूर्णबहादुर क्षेत्रीले २ सय ५८ मत ल्याएका छन्। कोषाध्यक्षमा सिद्धराज बोहरा ६ सय ८८ मत ल्याएर विजयी भएका छन्। बोहराका निकटतम प्रतिद्वन्दी महेशशरण भट्टले २ सय ९८ मत ल्याएका छन्। नगर कार्यसमिति सदस्यमा सिता भण्डारी (६७१), कमलराज चटौत (६२३), मिना भण्डारी (५१६), सरस्वती दाहाल (५१०), माया सेठी (५०७), चेतराज पन्त (४९५), भुपेन्द्र रावल (४९५) र दिपक चन्द (४५२) विजयी भएका छन्।
भीमदत्त नगरपालिकाका ४ नम्बर निर्वाचन क्षेत्रमा पर्ने वडाबाट क्षेत्रीय प्रतिनिधिमा दलितर्फ रमेश दयाल र मोहन ओड, आदिवासी जनजातितर्फ विरबहादुर लामा र सुरेश गुरुङ तथा पिछडिएको वर्गतर्फ रामस्वगारत ठाकुर र अपाङ्गतर्फ दिवाकर पाण्डेय निर्वाचित भएका छन्। ४ नम्बर निर्वाचन क्षेत्रमा पर्ने वडाबाट क्षेत्रीय प्रतिनिधिमा दलिततर्फ प्रमिला जैरु र रिता सिलाधर, आदिवासी जनजातितर्फ जगबहादुर चौधरी र पशुपति थापा तथा मधेशीतर्फ बेदप्रकाश चौधरी र अपाङ्गतर्फ उपेन्द्रबहादुर खडायत निर्वाचित भएका छन्।
