- सुन चाँदी दर
- विनिमय दर
- नेपाली पात्रो
- राशिफल
काठमाडौं । बल बिगारेको (टेम्परिङ) आरोपमा कप्तानी खोसिएका अष्ट्रेलियन क्रिकेटर स्टेफेन स्मिथलाई इन्डियन प्रिमियर लिग क्रिकेट आइपिएलमा पनि झड्का लागेको छ ।
राजस्थान रोयल्सका कप्तान रहेका स्मिथलाई कप्तानीबाट हटाइएको छ । स्मिथले सोमबार राजस्थानको कप्तानबाट राजीनामा दिएका छन् ।
गत २४ फेबु्रअरीमा उनी कप्तान भएका थिए । अब स्मिथको ठाउँमा अजिन्क्या रहानेले कप्तानी सम्हाल्ने छन् ।
कप्तानबाट हटाइएपछि अष्ट्रेलिया क्रिकेटले पनि कडा कार्वाही गर्ने देखिएको छ । स्मिथ र उपकप्तानबाट हटाइएका डेभिड वार्नरलाई आजिवन क्रिकेटबाट प्रतिवन्ध लाग्न सक्ने कार्वाही हुन सक्छ ।
दक्षिण अफ्रिका विरुद्ध केपटाउनमा भएको तेस्रो टेष्ट क्रिकेटको तेस्रो दिनका क्रममा स्मिथ बल बिगारेको देखिएका थिए ।
उनले टिमकै सहमतिमा बल बिगारेको बताएका थिए ।
आइसीसीले स्मिथमाथि एक टेष्टमा प्रतिबन्ध लगाउँदै सबै खेलको फि जरिवाना गरेको छ ।