-
-
-
-
काठमाडौं । स्पेनिस ला लिगा फुटबलमा बार्सिलोना एकमात्र अपराजित टिम बनिरहेको छ । जारी सिजनका ३० खेल खेलिसक्दा बार्सिलोना ७६ अंकसहित शिर्ष स्थानमा छ भने दोस्रो स्थानको एथलेटिको मड्रिड १४ अंकले पछि छ ।
लिगको उपाधि लगभग पक्का गर्ने अवस्थामा पुगिसकेको बार्सिलोनाले सातौं बराबरी खेल्ने क्रममा सेभियासंग शनिबार राति २–२ को बराबरी खेल्यो ।
लियोनल मेस्सी र लुइस सुवारेजले खेलको अन्तिम दुई मिनेटमा एक एक गोल गरेपछि बार्सिलोना बराबरीमा रोकिएको हो ।
यसअघि ३६ मिनेटमा भाज्क्वेजले र ५० औं मिनेटमा लुराएलले गोल गर्दै सेभियालाई २–० को अग्रता दिलाएका थिए ।
