- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतलाई विश्वकप एक दिवसीय क्रिकेटको उपाधि दिलाएकै दिन तत्कालीन कप्तान महेन्द्र सिंह धोनी देशको तेस्रो सर्वोच्च नागरिक सम्मानबाट सम्मानित भएका छन् ।
धोनीलाई भारत सरकारले पद्म भूषणबाट सम्मानित गरेको हो । राष्ट्रपति भवनमा सोमबार साँझ आयोजित विशेष समारोहमा भारतका राष्ट्रपति रामनाथ कोविन्दले धोनीलाई पद्म भूषणबाट सम्मानित गरेका हुन् ।
सन् २०११ अप्रिल २ तारिखकै दिन मुम्बईको वाङ्खडे रंगशालामा श्रीलंकालाई ६ विकेटले हराउँदै धोनी नेतृत्वको टिमले भारतलाई विश्वकप जिताएको थियो ।
धोनी लेफ्टिनेन्ट कर्णेलको पोशाकमा राष्ट्रपति भवन पुगेका थिए । धोनीले यसअघि सन् २००७ मा राजीव गान्धी खेल रत्न अवार्ड पाएका थिए ।
सोमबार राष्ट्रपति भवनमा अयोजित समारोहमा धोनीसँगै १९ पटकका विश्व च्याम्पियन बिलियार्ड खेलाडी पंकज आडवाणीलाई पनि पद्य भुषण प्रदान गरियो ।
समारोहमा भारतीय उपराष्ट्रपति बैंकैया नायडू, प्रधानमन्त्री नरेन्द्र मोदी लगायत उपस्थित थिए ।