आर्सनल र एथ्लेटिको मड्रिड युरोपा लिगको सेमिफाइनलमा
प्रकाशित २०७४ चैत ३० शुक्रबार
137
Shares
काठमाडौं । इंगलिस क्लव आर्सनल र स्पेनिस क्लव एथ्लेटिको मड्रिड युरोपा लिग फुटबलको सेमिफाइनलमा प्रवेश गरेका छन् ।
बिहिबार राति भएको क्वाटरफाइनलको दोस्रो लेगमा आर्सनल रसियन क्लब सीएसकेए मस्कोसँग २–२ को बराबरीमा रोकिए पनि एग्रिगेशनमा ६–३ को अग्रता बनाउँदै सेमिफाइनलमा स्थान बनाउन सफल भयो । पहिलो लेगमा घरेलु मैदानमा खेल आर्सनलले ४–१ ले जितेको थियो ।
मस्कोको मैदानमा भएको खेलमा घरेलु टिमले दुई शुन्यको अग्रतालाई जोगाउन नसक्दा बराबरीमै रोकियो ।
चालोभ र नबाबकिनले मस्कोलाई गोल दिलाएका थिए भने डेनी वेल्बेक र आरोन राम्सेले आर्सनका लागि गोल फर्काएका थिए ।
त्यस्तै अर्को खेलमा एथ्लेटिको मड्रिडले पोर्चुगिज क्लब स्पोर्टिङलाई एग्रिगेशनमा २–१ ले हराउँदै अन्तिम चारमा स्थान बनायो ।
पहिलो लेग २–० ले जितेको एथ्लेटिकोले दोस्रो लेगमा भने १–० को पराजय बेहोरेको थियो ।
युरोपा लिगका खेलमा मार्सेले लेप्जिगलाई एग्रिगेशनमा ५–३ ले र साल्बर्गले लाजियोलाई ६–५ ले हराउँदै सेमिफाइनलमा स्थान पक्का गरेका छन् ।
