- सुन चाँदी दर
- विनिमय दर
- नेपाली पात्रो
- राशिफल
काठमाडौं । इन्डियन प्रिमियर लिग क्रिकेट आइपीएलको ११ औं सिजनमा वेष्ट इन्डिजका खेलाडी क्रिस गेलले पहिलो शतक बनाएका छन् ।
गेलको शतकको मद्धतले किंगस इलाभेन पंजाब विजयी भएको छ । पंजाबले सनराइजर्स हैदराबादको लगातार तीन जितको यात्रालाई पुर्णविराम लगाउने क्रममा १५ रनको जित दर्ता गरेको हो ।
चन्डिगढमा विहिबार राति भएको खेलमा पहिले ब्याटिङ गरेको पंजाबले ३ विकेटको नोक्सानीमा १९३ रन बनायो ।
गेलले ६३ बलमा ११ छक्काको मद्धतमा नटआउट १०४ रन बनाए ।
जवाफमा हैदराबादले ४ विकेटको नोक्सानीमा १७८ रन बनाउन सक्यो । मनिस पान्डे र केन विलियमसनले अर्धसतक बनाए पनि टिमका लागि जित्ने आधार बन्न सकेन ।
म्यान अफ द म्याच गेलको यो टी–२० को २१ औं शतक हो । गोलले आइपीएलमा छैटौं शतक बनाएका छन् ।
उनले सन् २०१३ मा १७५ रन बनाएका थिए ।
आइपीएलमा कोलकाता ६ अंकबाट पहिलो, हैदराबाद ६ अंकबाटै दोस्रो, पंजाब ६ अंक बाटै तेस्रो स्थानमा छ ।